हामी सबैकाे संसारन्यूज

काठमाडौं । पि सिङको कला प्रदर्शनी ‘भ्रमण २०२२’ सम्पन्न भएको छ । काठमाडौंको तारागाउँ म्युजियममा १४ अगस्टबाट शुरु भएको सो प्रर्दशनी मंगलबार सम्पन्न भएको हो ।

प्रदर्शनीमा पि सिङका २५ वटा विभिन्न प्रकारका चित्रकलाहरु राखिएको थियो भने उनकी छोरी रोश्ल्यान सिङको ५ वटा चित्रकला रहेका थिए । पि सिङको नेपालमा दोस्रो पटकको चित्रकला प्रदर्शनी हो ।

खानेकुरा, नेपाली पहिचान, प्रकृति, शहर र महिलाहरुको विभिन्न भूमिकाको प्रस्तुती झल्किने कलाकृतिहरु प्रदर्शनीमा शमावेश गरिएको थियो । प्रदर्शनीमा राखिएका मध्ये ७ वटा कलाकृति बिक्री भएको आर्टिस्ट पी सिङले बताए ।

पेशाले सफ्टवेयर इन्जिनियर रहेका पि सिङ डेढ दशक भन्दा लामो समयदेखि बेलायतमा बस्दै आएका छन् । उनले पेशाको रुपमा नभएर आफ्नो सोंखको रुपमा चित्र बनाउने काम गर्दै आएका छन् । अहिलेसम्म ६० वटा कलाकृति बनाएको उनको भनाइ छ ।

सिङले अहिलेसम्म ४ वटा प्रदर्शनी गरिसकेका छन् । बेलायतमा ‘नेपाल यात्रा’को नामबाट पहिलो प्रदर्शनी शुरु गरेका सिङको ‘भ्रमण २०२२’ चौथो प्रदर्शनी हो । आफ्नो कला प्रदर्शनीको मुख्य उद्देश्य नेपालको गर्नु रहेको उनको भनाइ छ ।

यसपटक नेपालमा गरेको प्रदर्शनीबाट आफू निकै उत्साहित भएको बताउँदै उनले आगामी दिनमा थप विस्तारित स्वरुपको प्रदर्शनी गर्न आफु इच्छुक रहेको बताए । सिङको कलाकृति प्रदर्शनी कार्यक्रम ‘भ्रमण २०२२’ को आयोजना सेन्टर नेप्लिज कल्चरले गरेको थियो ।

प्रदर्शनीमा ३ सय भन्दा धेरै व्यक्तिले अवलोकन गरेको संस्थाका अध्यक्ष निर्मलकुमार थापाले बताए ।

बिक्रीको उद्देश्य प्रदर्शनीमा मुख्य नरहेकाले तुलनात्मक रुपमा सफल भएको थापाको भनाई छ ।