हामी सबैकाे संसारन्यूज

काठमाडौं । हिमपर्वत हाईड्रोपावर कम्पनी र सि.बि.आई.एल क्यापिटलबिच साधारण शेयर निष्काशन सम्बन्धी सम्झौता भएको छ । आज एक कार्यक्रमकाबिच काठमाडौंमा सो सम्झौता भएको हो ।

उक्त सम्झौतामा हिमपर्वत हाईड्रोपावरका तर्फबाट अध्यक्ष हिमाल गुरुङ तथा सि.बि.आई.एल क्यापिटलका तर्फबाट का.मु. प्रमुख कार्यकारी अधिकृत उज्ज्वल चन्दले हस्ताक्षर गरेका हुन् ।

सम्झौताअनुसार क्यापिटलले हाईड्रोपावरको १४ लाख कित्ता शेयर आयोजना प्रभावित स्थानीय तथा २८ लाख कित्ता शेयर सर्वसाधारणका लागि गरी जम्मा ४२ लाख कित्ता साधारण शेयर निष्काशन गर्नेछ ।

हाईड्रोपावरले दोलखा जिल्लामा २०.०० मे.वा.को सागुँ खोला जलविद्युत आयोजना र ५.५० मे.वा.को सागुँ खोला-१ जलविद्युत आयोजनागरी जम्मा २५.५० मे.वा.को जलविद्युत आयोजना निर्माण गरिरहेको छ ।