Sansar News
काठमाडौं। आइ सी एफ सी फाईनान्स कम्पनी र स्मार्ट च्वाइस टेक्नोलोजिज (एससिटी)बीच सम्झौता भएको छ । फाईनान्स र एससीटीबीच डिजिटल पेमेन्ट कारोबार गर्ने ग्राहकहरुलाई लक्षित गरी स्मार्ट क्यू आर प्रयोगमा ल्याउनका लागि व्यवसायिक सम्झौता भएको हो ।
उक्त सम्झौतापत्रमा स्मार्ट च्वाइस टेक्नोलोजिज कम्पनीका तर्फबाट प्रमुख कार्यकारी अधिकृत नारायण प्रकाश भुजु र बैंकको तर्फबाट प्रमुख कार्यकारी अधिकृत सुनिल पन्तले हस्ताक्षर गरेका छन् ।
उक्त सम्झौता अनुसार आइ सी एफ सी फाईनान्सका ग्राहकहरुले बैंकको मोबाईल बैंकिङ्ग एप आइसीएफसी फाईनान्स स्मार्ट प्रयोग गरी कुनै पनि वस्तु तथा सेवा खरिद गर्दा उक्त सेवाको भुक्तानी स्मार्ट क्यू आर मार्फत गर्न सक्ने छन् ।
वि.सं.२०७९ भदौ २ बिहीवार १२:२९ मा प्रकाशित
