हामी सबैकाे संसारन्यूज

काठमाडौं । नेकपा (एकीकृत समाजवादी) ले आगामी मंसिर ४ मा हुने प्रदेश र प्रतिनिधिसभा निर्वाचनका लागि उम्मेदवार छनौटको मापदण्ड बनाएको छ ।

सो पार्टीको भदौ १ गते बसेको केन्द्रीय सचिवालयको बैठकले ८ मापदण्ड बनाएको हो ।

पार्टीका महासचिव बेदुराम भुसालका अनुसार पार्टीको कार्यदिशा, नीति र कार्यक्रमप्रति प्रतिवद्ध रहेको, विद्रोहमा सक्रिय भूमिका खेलेका र पार्टी निर्माणमा योगदान गरेको, पार्टी र क्रान्तिप्रतिको निष्ठा र अनुशासनमा दृढ, आर्थिक एवं नैतिक आचरण राम्रो रहेको, जनतामा स्थापित र लोकप्रिय, स्वच्छ छवि भएको र सुशासनको पक्षपाती, कार्यक्षमता राम्रो भएको र सक्रिय तथा समावेशीताको सिद्धान्त विपरीत नहुने मापदण्ड तोकेको हो ।

त्यस्तै सोहि बैठकले आगामी भदौ १२ गतेभित्र जिल्ला कमिटीले प्रदेश कमिटीमा र १५ भदौभित्र केन्द्रीय कमिटी तथा २० भदौभित्र केन्द्रीय कमिटीले उम्मेदवारको नाम टुगो लगाइसक्नुपर्ने कार्यतालिका तय गरेको बताइएको छ ।