Sansar News
काठमाडौं । प्रधानमन्त्री शेरबहादुर देउवाले नेपाली कांग्रेसका नेता प्रदीप गिरिको निधनप्रति दुःख व्यक्त गरेका छन् ।
नेपाली कांग्रेसका सभापति समेत रहेका देउवाले पार्टीका नेता तथा नेपाली राजनीतिका बैचारिक र समाजवादी चिन्तक आफ्ना मित्र प्रदीप गिरिको निधनको खवरले आफ् निकै स्तब्ध भएको बताएका छन् ।
‘उहाँको निधनले नेपालले एक सच्चा र असल नेता गुमाएको छ । उहाँको आत्माको चिर शान्तिको कामना गर्दै यस दुखद घडीमा परिवारजनमा हार्दिक समवेदना व्यक्त गर्दछु ।’ प्रधानमन्त्री देउवाले भनेका छन् ।
ललितपुरको नख्खुस्थित मेडिसिटी अस्पतालमा उपचार गराइरहेका गिरीको शनिबार राति साढे ९ बजे निधन भएको थियो ।
वि.सं.२०७९ भदौ ५ आइतवार ०७:२३ मा प्रकाशित
