हामी सबैकाे संसारन्यूज

काठमाडौं । आगामी मंसिर ४ मा हुन लागेको प्रदेश र प्रतिनिधिसभा निर्वाचनमा नेकपा (एमाले)ले अन्य दलसँग चुनावी तालमेलको सम्भावना सकिएको निष्कर्ष निकालेको छ । मंगलबार पार्टी केन्द्रीय कार्यालय च्यासलमा बसेको स्थायी कमिटीको बैठकले उक्त निष्कर्ष निकालेको हो ।

बैठकमा पार्टी अध्यक्ष केपी शर्मा ओलीले एक्लै प्रतिस्पर्धा गर्ने गरी योजना निर्माण हुने बताएका थिए । उनले एमाले बाहेक बाम शक्ति बाँकी नरहेको पनि निष्कर्ष सुनाएका थिए ।

बैठकमा स्थायी कमिटीका सदस्य घनश्याम भुसालले वामपन्थी दलबीच गठबन्धन गरेर चुनावमा जानुपर्ने धारणा राखेका थिए । त्यसको जवाफ दिँदै अध्यक्ष ओलीले अन्य वामपन्थी हुन भनेर आफूलाई प्रमाणित गर्नुपर्ने बताएका थिए ।

शुक्रबार र शनिबार हुने केन्द्रीय कमिटी बैठकको एजेन्डा तय गर्न मंगलबार स्थायी कमिटीको बैठक बसेको थियो ।

बैठकपछि सञ्चारकर्मीसँग कुराकानी गर्दै प्रचार विभागका प्रमुख पृथ्वीसुब्बा गुरुङले केन्द्रीय कमिटीमा प्रस्तुत गरिने राजनीतिक प्रतिवदेनको खाका प्रस्तुत गरेको जानकारी गराए । त्यसैगरी, वैशाखमा भएको केन्द्रीय कमिटी बैठकपछि निर्णयहरुको अनुमोदन गरेको छ ।