हामी सबैकाे संसारन्यूज

काठमाडौं । गृहमन्त्री बालकृष्ण खाँणको सुरक्षामा खटिएका पिएसओ सुन तस्करीमा संलग्नता भएको समाचार पछि प्रहरीले छानविन थालेको छ ।

खाँडका पिएसओ प्रहरी वरिष्ठ नायब निरीक्षक टंक कार्कीमाथि प्रहरी प्रधान कार्यालयले अनुसन्धान सुरु गरेको एक सूचनामार्फत् जानकारी दिइएको छ ।

‘केही दिनदेखि केही छापा तथा अनलाइन मिडियाहरुमा प्रकाशित ‘सुनतस्करसँग गृहमन्त्रीको सुरक्षार्थ खटिएका पिएसओ स.ई कार्कीको संलग्नता रहेको भन्ने समाचारप्रति नेपाल प्रहरी प्रधान कार्यालयको गम्भीर ध्यानाकर्षण भएको छ । सो सम्बन्धमा माननीय गृहमन्त्रीज्यूको ‘सुरक्षा समूह’मा खटिएका प्र.व.ना.नि. टंक कार्कीलाई तत्कालै नेपाल प्रहरी प्रधान कार्यालय, सुपरीवेक्षण तथा अनुगमन महाशाखामा झिकाई निज उपर छानविन भइरहेको अनुरोध गर्दछु ।’ प्रहरी प्रवक्ता टेक बहादुर राईद्धारा मंगलबार जारी विज्ञप्तिमा भनिएको छ ।
राईले कार्की दोषी देखिएमा कारबाही गरिने समेत बताएका छन् ।