हामी सबैकाे संसारन्यूज

काठमाडौं । दश वटा निर्माण व्यवसायी तथा आपूर्तिकर्ताहरु कालो सूचीमा परेका छन् । नेपाल सरकार प्रधानमन्त्री तथा मन्त्रिपरिषद्को कार्यालय सार्वजनिक खरिद अनुगमन कार्यालयल, ताहचलले बुधबार एक सूचना जारी गर्दै दश वटा निर्माण कम्पनीहरुलाई कालो सूचीमा राखिएको जनाएको छ ।

सूचना जारी भएको मितिदेखि लागू हुने गरी निर्माण व्यवसायी/आपूर्तिकर्ताहरुलाई कालो सूचीमा राखिएको सूचनामा उल्लेख छ । सो कम्पनीहरुले कालो सूचीमा राखिएको अवधिभर सार्वजनिक निकायको कुनै पनि खरिद कारबाहीमा भाग लिन नपाउने सूचनामा जनाइएको छ ।

सरकारले सैलुङ कम्पनीलाई कालो सूचीमा राख्दै तीन वर्षका लागि ठेक्का पट्टामा प्रतिबन्ध लगाएको छ । त्यसैगरी, एक चाइनिज इन्जिनियरिङ कम्पनी र भारतीय आरभाली इन्फ्रापावर लिमिटेडलाई पनि सरकारले तीन वर्षसम्मका लागि कालो सूचीमा राखेको छ । महालक्ष्मी वायर एन्ड केवल इन्डस्ट्रिज प्रालिलाई दुई वर्षका लागि कालो सूचीमा परेको छ ।

इटहरीको बलिया कन्ट्रक्सन, काठमाडौंको जोनसन कन्ट्रक्सन, कास्कीको जस्ट इन टाइम, मोरङको एस्पियल ग्रुप अफ इन्जिनियर्स, सुनसरीको सर्जिमेड डिस्टिव्युटर्स र पाँचथरको तुम्येहाङ निर्माण सेवालाई एक/एक वर्षका लागि सरकारीले कालो सूचीमा राखेको छ ।
यस्तो छ सूचना :