हामी सबैकाे संसारन्यूज

काठमाडौं । ग्लोबल आइएमई बैंकले अनलाइन मार्फत प्रतीतपत्र (एलसी) तथा बैंक ग्यारेन्टी जारी गर्ने सेवाको सुरुवात गरेको छ । बैंकले व्यापार सञ्चालन प्रणालीलाई ग्राहकमैत्री बनाउने क्रममा अनलाइनबाट नै एलसी तथा बैंक ग्यारेन्टी जारी गर्ने सेवाको सुरुवात गरिएको जनाएको छ ।

बैंकका अनुसार यो सेवाको सुरुवातसँगै ग्राहकहरूले अनलाइन मार्फत आवेदन फाराम भर्ने, आवेदनको प्रगति निगरानी गर्नेे आदि सबै प्रक्रियागत काम एउटै पोर्टलको प्रयोग गरीे सहुलियत अनुसार आफ्नै कार्यालय वा घरमै बसेर सजिलै गर्न सक्ने छन्। यसले गर्दा ग्राहकहरू एलसी वा बैंक ग्यारेन्टी बनाउनु परेमा बैंकमै धाउनुपर्ने झन्झटबाट मुक्त हुने बैंकको विश्वास छ ।

त्यसैगरी, यस प्रक्रियाबाट उल्लेखित रूपमै ग्राहक तथा बैंक दुवैको समय, स्रोत र साधन बचत हुने विश्वास बैंकले लिएको जनाएको छ । बैंकका अनुसार यो प्रणाली २०७९ भाद्र महिनाबाट लागू भएको छ ।

बैंकले २८९ शाखा, २७२ एटीएम, २७५ शाखा रहित बैंकिङ्ग सेवा, ५२ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालयसमेत गरी ८९० भन्दा बढि सेवा केन्द्रबाट सेवा प्रदान गरिरहेको जनाएको छ ।