हामी सबैकाे संसारन्यूज

काठमाडौं । नेपाल बैंकबाट निःशुल्क रुपमा आइपीओ भर्न पाइने भएको छ । बैंकले आइपीओ भर्ने ग्राहकहरुले धितोपत्र आबेदनमा तिर्नुपर्ने सिआस्वा शुल्कमा पुरै छुट पाउने भएको हो । बैंकका अनुसार अबदेखि सम्पूर्ण ग्राहकहरुले बैंकबाट निःशुल्क रुपमा आइपीओ भर्न सक्नेछन् ।

हाल नेपाल धितोपत्र बोर्डले धितोपत्र खरिद सम्बन्धी सुविधा उपलब्ध गराए बापत बैंक तथा वित्तीय संस्थाले बढिमा पाँच रुपैयाँ सेवा शुल्क लिन पाउने व्यवस्था गरेको छ । ५ रुपैयाँ लिनु भन्दा कतिपय बैंकहरुले यो सेवा निशुल्क नै दिन थालेका छन् ।

बैंकले २१९ शाखाहरु, १८६ एटिएम साथै ४९ वटा एक्टेन्सन काउन्टर मार्फत सेवा प्रदान गर्दै आएको जनाएको छ । यस अघि कुमारी, सानीमालगायतका बैंकहरुले पनि आईपीओका लागि आवेदन निशुल्क दिन पाइने व्यवस्था गरिसकेको छ ।