Sansar News
काठमाडौं । नेपाली नेपाली क्रिकेट टिमका कप्तान सन्दीप लामिछानेविरुद्ध बलात्कारको उजुरी परेको छ ।
लामिछानेविरुद्ध मंगलबार साँझ प्रहरी कार्यालय टेकुमा बलात्कारको आरोपसहित किटानी जाहेरी परेको प्रहरीले जनाएको छ ।
स्रोतका अनुसार लामिछानेमाथि बालिका बलात्कारको उजुरी परेको हो । लामिछानेले १७ वर्षीया नावालिगलाई भदौ १ गते नगरकोट लगेको जाहेरीमा उल्लेख रहेको छ । साथै भदौ ५ गते काठमाडौंको एक होटलमा लगेर बलात्कार गरेको जाहेरीमा उल्लेख रहेको बताइएको छ ।
लामिछाने टि २० सिरिज खेल्नका लागि केन्या पुगेका छन् । यसबारेमा प्रहरीले अनुसन्धान गरिरहेको जनाएको छ ।
वि.सं.२०७९ भदौ २२ बुधवार ०६:२३ मा प्रकाशित
