Sansar News
काठमाडौं । अभिनेता पल शाहलाई बालिकामाथि यौन दुव्र्यवहार गरेको अराोपमा साढे २ वर्ष जेल सजाय र २५ हजार जरिवाना तोकिएको छ ।
बलात्कारको अभियोगमा थुनामा रहेका शाहले बलात्कारको मुद्दामा भने सफाई पाएका छन् । उनलाई जिल्ला अदालत नवलपुरले मंगलवार सफाई दिएको हो ।
जिल्ला अदालतका न्यायाधिश यज्ञप्रसाद आचार्यको इजलासले मंगलबार सुनुवाईपछि २५ हजार जरिवानासहित सो फैसला गरेको हो । साथै पीडित बालिकालाई १० लाख क्षतिपूर्ति भराउन समेत फैसला गरेको छ ।
७ महिनादेखि तनहुँको कारागारमा पुर्पक्षका लागि थुनामा रहेका शाहमाथि पीडित बालिकाले बयान फेरेर घटना झुटो भएको बताएपछि उनले सफाई पाएका हुन् ।
बुवाले दिएको जाहेरीका आधारमा प्रहरीले मुद्दा अगाडि बढाएको थियो । पीडितका बुवाले शाहमाथि १२ देखि १४ वर्षको कैद सजाय माग गर्दै जाहेरी दिएका थिए ।
वि.सं.२०७९ भदौ २१ मंगलवार २०:४५ मा प्रकाशित
