हामी सबैकाे संसारन्यूज

काठमाडौं । केही समययता देशमा कोरोना भन्दा पनि डेंगु संक्रमण तिब्र रुपमा फैलिएको छ ।

स्वास्थ्य तथा जनसंख्या मन्त्रालयका अनुसार हाल देशका ७५ जिल्लाका ६ हजार ७०७ जनामा डेंगु संक्रमण पुष्टि भएको छ । यो संख्या साउनदेखि भाद्र २२ सम्मको हो ।

त्यसैगरी सबैभन्दा बढी संक्रमित बागमतीमा रहेका छन् । बागमती प्रदेशमा ५ हजार ६६ जनामा डेंगु संक्रमण पुष्टि भएको छ । साथै दोस्रोमा लुम्बिनी प्रदेशमा ९३३, प्रदेश १ मा २५६, सुदूरपश्मिमा १६१, गण्डकीमा १२८, मधेश प्रदेशमा ११९ र कर्णालीमा ४४ जनामा डेंगु संक्रमण पुष्टि भएको छ ।

यसको रोकथामका लागि के गरिदैछ त ?
देशका ७७ जिल्ला मध्ये ७५ जिल्लामा डेंगुका संक्रमित बढ्न थालेपछि इपिडिमियोलोजीले १३९ स्थानीयतह, ६० जिल्ला र ७ वटै प्रदेशमा डेंगु नियन्त्रणका लागि ‘खोज र नष्ट गर भन्ने अभियान संचालन गरेको र यसका लागि बजेट समेत विनियोजन गरेको बताइएको छ ।

त्यस्तै ललितपुर र भक्तपुरजस्ता डेंगुको संक्रमण सबैभन्दा बढी भएका जिल्लामा स्थानीय तह, सरोकारवालासँगको समन्वयमा भदौ ९ गतेदेखि ‘खोज र नष्ट गर’ भन्ने  लगायतका अभियान चलाइएको जानकारी दिइएको छ ।

मन्त्रालयका अनुसार नेपालमा पहिलोपटक २०६१ मा डेंगु संक्रमण देखिएकोमा त्यसयता वर्षेनी संक्र मित हुनेको संख्या बढ्दै गएको छ । यो विशेष गरेर लामखुट्टेको टाकाईबाट सर्ने गर्दछ ।

जनस्वास्थ्य विज्ञ डा. गेहेन्द्र महरा भन्छन्–डेंगुबाट यसरी बचौं