Sansar News
काठमाडौं । नाबालिगमाथि बलात्कार गरेको अभियोग लागेका नेपाली क्रिकेटका कप्तान सन्दीप लामिछानेले आफुले कानुनको सम्मान गर्ने बताएका छन् ।
बलात्कारको आरोपमा राष्ट्रिय क्रिकेट संघ (क्यान) द्धारा निलम्बित लामिछानेले आफु निर्दोष रहेको तथा नेपालको कानुनले आफुलाई न्याय दिने बताउँदै खेल छोडेर नेपाल फर्किन लागेको बताएका छन् ।
क्यारेबियन प्रिमियर लिग (सीपीएल) छाडेर नेपाल फर्किन लागेका सन्दीपले सामाजिक संजाल फेसबुकमा लेख्दै निष्पक्ष छानबिन हुनेमा विश्वास व्यक्त गरेका छन् ।
लामिछानेबाट आफु बलात्कृत भएको आरोप लगाउँदै १७ वर्षीया किशोरीले प्रहरीमा उजुरी दिएपछि बिहीबार जिल्ला अदालत काठमाडौंले सन्दीपविरुद्ध पक्राउ पुर्जी समेत जारी गरेपछि क्यानले लामिछानेलाई निलम्बन गरेको हो ।
वि.सं.२०७९ भदौ २४ शुक्रवार ०९:१९ मा प्रकाशित
