Sansar News
काठमाडौं । नेपालमा पछिल्लो २४ घण्टामा कोरोनाबाट थप १५२ जना संक्रमित भएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ३,२९४ नमुना परीक्षणमा १५२ जनामा कोरोना संक्रमण पुष्टि भएको हो । आज थपिएका १५२ जनासँगै नेपालमा हालसम्म ९ लाख ९८ हजार ५४२ जना कोरोनाबाट संक्रमित भइसकेका छन् ।
त्यस्तै आज निको भएका थप १३३ जनासँगै नेपालमा हालसम्म कोरोनाबाट निको हुनेको संख्या ९ लाख ८४ हजार ८२ पुगेको छ ।
त्यसैगरी पछिल्लो २४ घण्टामा कोरोनाबाट २ जनाको मृत्यु भएको छ । आज थपिएका २ जनासँगै नेपालमा हालसम्म कोरोनाबाट ज्यान गुमाउनेको संख्या १२ हजार १२ पुगेको छ ।
नेपालमा हाल २ हजार ४४८ जना सक्रिय संक्रमित रहेका छन् । ती मध्ये होमआइसोलेशनमा २,३५९, सस्थागत आइसोलेशनमा ८९ आइसीयुमा १८ र भेन्टिलेटरमा २ जनाको उपचार भइरहेको छ ।
वि.सं.२०७९ भदौ २४ शुक्रवार १६:४८ मा प्रकाशित
