Sansar News
काठमाडौं । बाणिज्य बैंकहरुको ८ अर्ब रुपैयाँले निक्षेप बढेको छ । नेपाल बैंकर्स संघले उपलब्ध गराएको तथ्याङ अनुसार गत एक सातामा बैंकहरुको निक्षेप ८ अर्बले बढेर ४४ खर्ब ४५ अर्ब रुपैयाँ पुगेको छ । जुन अघिल्लो साता ४४ खर्ब ३७ अर्ब रुपैयाँ थियो ।
बैंकहरुले भदौ १८ गतेदेखि २४ गतेसम्ममा निक्षेपसँगै कर्जा लगानी पनि बढाएका छन् । समीक्षा अवधिमा बैंकहरुले कर्जा लगानी ७ अर्ब रुपैयाँले बढाएर ४१ खर्ब ८८ अर्ब रुपैयाँ पुगेको छ । जुन अघिल्लो सातामा ४१ खर्ब ८१ अर्ब रुपैयाँ थियो । यता कर्जा निक्षेप अनुपात ८८.३६ प्रतिशत रहेको छ ।
वि.सं.२०७९ भदौ २७ सोमवार १६:५० मा प्रकाशित
