हामी सबैकाे संसारन्यूज

काठमाडौं । साताको अन्तिम दिन बिहीबार सेयर बजारमा उच्च अंकको गिरावट आएको छ । दोहोरो अंकले घटेको बजारमा सबै उपसमूह राताम्मे भएका छन् ।

बिहीबार बसेको बैंकर्स संघको बैठकले असोज महिनाको ब्याजदर बैंकहरु आफैंले तोक्न सक्ने निर्णय गरेको थियो । संघको निर्णय पछि बैंकहरुले ब्याजदर बढाउने अनुमानमा सेयर बजारमा प्रभाव देखिएको अनुमान गरिएको छ ।

बैंकको ब्याजदर र शेयर बजारमा उल्टो सम्बन्ध हुन्छ । ब्याजदर बढ्दा शेयरबजार घट्छ भने ब्याजदर घट्दा शेयरबजार बढ्छ । बैंकहरुले विगत डेढ वर्षदेखि ब्याजदर नघटाएको कारण शेयरले गति लिन सकेको छैन ।

हाल ११.१३ प्रतिशतसम्म रहेको ब्याजदरमा पछिल्लो निर्णयसँगै बैंकहरुले केही तलमाथि गर्न पाउनेछन् । अब ब्याजदर १२.१३ प्रतिशतसम्म पुग्ने अनुमान गरिएको छ।

बिहीबार २ बजेसम्म सेयर बजारमा ५७.८० अंकले गिरावट आएको छ । निश्चित कम्पनी बाहेक सबैजसोको मूल्यमा उच्च अंकको गिरावट छ ।