Sansar News
काठमाडौं । ताइवानमा आइतबार शक्तिशाली भूकम्प गएको छ । अन्तराष्ट्रिय सञ्चार माध्यमले जानकारीअनुसार ६.९ म्याग्निच्युडको भूकम्प गएको थियो ।
जानकारी अनुसार स्थानीय समय अनुसार दिउँसो २ बजेर ४४ मिनेटमा सहरबाट ५० किलोमिटर उत्तरमा भूकम्पको धक्का महसुस गरिएको थियो । अमेरिकी भूगर्भ सर्वेक्षणका अनुसार भूकम्पको केन्द्रविन्दु १० किलोमिटर तल थियो ।
भूकम्पको धक्कापछि एक भिडियो पनि सार्वजनिक भएको छ, जसमा मानिसहरु आफ्नो ज्यान बचाउन भवनबाट बाहिर निस्किरहेको देखिन्छ । भूकम्पबाट के–कति क्षति भएको छ भन्ने स्पष्ट नभएपछि सञ्चारमाध्यमले ठूलो क्षतिको अनुमान गरेका छन् ।
भिडियाेमा ताइवानकाे भूकम्प
धेरै ठाउँमा भूकम्पको तीव्रता सातभन्दा माथि
तर, केही रिपोर्टले ताइवानको युजिङबाट ८५ किलोमिटर टाढा ७.२ रेक्टर स्केलको भूकम्प गएको पनि बताएको छ । स्थानीय समय अनुसार बिहान ६ बजेर ४४ मिनेटमा भूकम्पको धक्का महसुस गरिएको थियो । यसको केन्द्र जमिनबाट १० किलोमिटर टाढा थियो।
जापानमा सुनामीको चेतावनी
जापानको मौसम विभागले सुनामीको चेतावनी जारी गरेको छ । यहाँ नागरिकहरूलाई अँध्यारो हुनुअघि क्युसुको दक्षिणी टापु खाली गर्न भनिएको छ। आइतबार यहाँ ठूलो हावाहुरी आउने सम्भावना छ । जसका कारण २० इन्चसम्म पानी पर्न सक्छ । ताइवानसँग सम्बन्धित टापुमा सुनामीको खतरा रहेको बताइएको छ ।
वि.सं.२०७९ असोज २ आइतवार १७:०० मा प्रकाशित
