दोहा, कतार । कतार एयरवेजले सातौं पटक एयरलाइन अफ द इयर अवार्ड जितेको छ । एयरलाइन्सले विश्वकै उत्कृष्ट बिजनेस क्लास, विश्वकै उत्कृष्ट बिजनेस क्लास लाउन्ज डाइनिङ र मध्यपूर्वको उत्कृष्ट एयरलाइनको अवार्ड पनि जितेको छ ।
सन् २०२२ मा एयरलाइन्सले आफ्नो २५ औं वार्षिकोत्सव मनाइरहेको बेला अन्तर्राष्ट्रिय हवाई यातायात रेटिङ संस्था स्काईट्रेक्सले सातौं पटक एयरलाइन अफ द इयरको उपाधि दिएको हो । लण्डनमा आयोजित एक भव्य समारोहमा उपाधी दिइएको हो ।
कतार एयरवेजले विश्वकै उत्कृष्ट बिजनेस क्लास, वल्ड्र्स बेस्ट बिजनेस क्लास लाउन्ज डाइनिङ र बेस्ट एयरलाइन इन मिडल इस्ट गरी थप तीन वटा अवार्ड पनि जितेको छ । कतार एयरवेजले सन् २०११, २०१२, २०१५, २०१७, २०१९, २०२१ र अहिले २०२२ मा एयरलाइन अफ द इयरको उपाधि जितेको छ ।
कतार एयरवेजको घरेलु विमानस्थल र हब हमाद अन्तर्राष्ट्रिय विमानस्थललाई हालै विश्वको सर्वश्रेष्ठ विमानस्थल २०२२ को रूपमा मतदान गरिएको थियो । जसले लगातार दोस्रो वर्षको लागि पुरस्कार प्राप्त गरेको थियो ।
वि.सं.२०७९ असोज १० सोमवार ०८:३६ मा प्रकाशित