Sansar News
काठमाडौं । नाबालिग बलात्कारको आरोप लागेका क्रिकेटर सन्दीप लामिछानेविरुद्ध अन्तर्राष्ट्रिय प्रहरी संगठन (इन्टरपोल)ले डिफ्युजन नोटिस जारी गरेको छ ।
नेपाल प्रहरीका प्रवक्ता टेकप्रसाद राईका अनुसार नेपाल प्रहरीको आग्रहमा इन्टपोलले डिफ्युजन नोटिस जारी गरेको हो ।
डिफ्युजन नोटिस जारी भइसकेको अवस्थामा इन्टरपोलमा आवद्ध देशका प्रहरीले सन्दीपलाई फेला पारेमा नेपाल प्रहरीलाई खबर गर्ने र अभियुक्तको अवस्था र मुद्दाको अवस्था हेरेर नेपाल पठाउने वा नेपाल प्रहरी त्यहाँ पुगेर लिएर आउने गर्छन् ।
क्रिकेटर लामिछानेविरुद्ध नाबालिगमाथि बलात्कार गरेको आरोपमा गत भदौ २१ गते गौशाला प्रहरीमा जाहेरी परेको छ । लामिछानेमाथि बलात्कारको आरोप लागेपछि नेपाल क्रिकेट संघ क्यानले उनलाई निलम्बन गरेको थियो ।
नेपालमा लामिछानेविरुद्ध बलात्कारको मुद्दा दायर भइरहेको बेला उनी अफ्रिकामा नेपालका तर्फबाट खेलिरहेका थिए । त्यहाँको खेल सकिएपछि क्यारेबियन प्रिमियर लिग खेल्न वेष्टइन्डिज पुगेका उनकोे सम्झौता रद्ध भएको थियो ।
लामिछानेले आइतबार मात्र एक स्टाटस लेखेर झुट्टा जाहेरीकै भरमा आफुलाई अपराधीको रुपमा चित्रण गरिएका कारण आफु मानसिक र शाररीक रुपमा प्रभावित भएको र डाक्टरको सल्लाहमा आइसोलेशनमा रहेको बताएका थिए ।
उनले आफ्नो स्वास्थ्यमा क्रमिक सुधार आउँदै गरेको र जति सक्दो चाँडो नेपाल फर्किएर आफ्ना विरुद्दको झुट्टा उजुरीको डटेर प्रतिवाद गर्न नेपाल फर्किने तरखरमा रहेको लेखेका थिए ।
बेपत्ता भनिएका क्रिकेटर सन्दीपले आइसोलेशनमा छु भन्दै यस्तो लेखे
वि.सं.२०७९ असोज १० सोमवार २०:४० मा प्रकाशित
