हामी सबैकाे संसारन्यूज

काठमाडौं । नेकपा एकिकृत समाजवादी पार्टीले आगामी प्रदेशसभा र प्रतिनिधिसभा निर्वाचनका लागि उम्मेदवारको टुंगो लगाएको छ ।
शुक्रबार गठबन्धनबीच सिट बाँडफाँटको टुंगो लागेसँगै सो पार्टीले प्रतिनिधिसभा सदस्य उम्मेदवारको टुंगो लगाएको हो ।

सो पार्टीका अनुसार पार्टी अध्यक्ष माधव कुमार नेपाल रौतहट क्षेत्र न. १, इलाम क्षेत्र न. १ बाट झलनाथ खनाल, उदयपुर क्षेत्र न. २ बाट जगन्नाथ खतिवडा रहेका छन् ।

त्यसैगरी बारा क्षेत्र न. ४ कृष्णकुमार (किसान), श्रेष्ठ, काठमाडौं क्षेत्र न. ८ – जीवनराम श्रेष्ठ, ललितपुर क्षेत्र न. २ – कृष्णलाल महर्जन, धादिङ क्षेत्र न. १ – राजेन्द्रप्रसाद पाण्डे, मकवानपुर क्षेत्र न. २ – विरोध खतिवडा, कास्की क्षेत्र न. २ – श्रीनाथ बराल, गुल्मी क्षेत्र न. २ – रामकुमारी झाँक्री, पाल्पा क्षेत्र न. २ – सोमप्रसाद पाण्डे, रुपन्देही क्षेत्र न. २ – राजु गुरुङ, दाङ क्षेत्र न. १ – मेटमणि चौधरी, सल्यान – प्रकाश बुढाथोकी (ज्वाला), डोल्पा – धनबहादुर बुढा मगर, दैलेख क्षेत्र न. १ – अम्बरबहादुर थापा, अछाम क्षेत्र न. १ – शेरबहादुर कुवँर, १८. बझाङ – भानुभक्त जोशी र डोटीबाट पूर्व पर्यटनमन्त्री प्रेमबहादुर आलेलाई उम्मेदवारको टुंगो लगाइएको छ ।