Sansar News
काठमाडौं । निर्वाचन आयोगले आगामी मंसिर ४ गते हुने प्रतिनिधि सभा र प्रदेश सभा सदस्यका लागि उम्मेदवारी दिएकाहरुको अन्तिम नामावली सार्वजनिक गरेको छ ।
आयोगद्धारा बुधबार सार्वजनिक गरिएको नामावली अनुसार प्रतिनिधिसभा र प्रदेशसभाको निर्वाचनमा भाग लिनका लागि उम्मेदवारी दिएकामध्ये ३७६ जनाले उम्मेदवारी फिर्ता लिएका छन्। आयोगका अनुसार उम्मेदवारी mिर्ता लिनेमा प्रतिनिधिसभातर्फ ११९ र प्रदेशसभातर्फ २५७ जना रहेका छन् ।
अन्तिम नामावली अनुसार प्रतिनिधिसभातर्फ २,४१२ जनाको उम्मेदवारी कायम भएको छ । जसमा २,१८७ जना पुरूष र २२५ जना महिलाको रहेका छन् ।
त्यसैगरी प्रदेशसभातर्फ ३,२२४ जनाको उम्मेदवारी कायम रहेको छ । जसमा २९४३ जना पुरुष, २८० जना महिला तथा एकजना अन्य उम्मेदवार रहेका छन् ।
सूचीसहित
वि.सं.२०७९ असोज २७ बिहीवार ०९:०९ मा प्रकाशित
