हामी सबैकाे संसारन्यूज

काठमाडौं । गोरखाको मनकामना दर्शनका लागि पाल्पाको रम्भा गाउँपालिका-१, हुँगीबाट जाँदै गरेको बस नवलपरासी पूर्वको बुलिङटारमा दुर्घटना हुँदा ५ जनाको मृत्यु भएको छ । बुलिङटार-२, मथारमा भएको दुर्घटनामा ३० जना घाइते भएका हुन् ।

जिल्ला प्रहरी कार्यालय पूर्वी नवलपरासीका अनुसार ना ६ ख ७५८० नम्बरको बस अनियन्त्रित भई सडकबाट झन्डै सय मिटर तल खसेर दुर्घटनामा भएको थियाे । दुर्घटनामा रम्भा गाउँपालिका-१ हुँगीका ४१ वर्षीय तारा विक, १७ वर्षीय विनय विक, ६२ वर्षीय धनी विक, ५८ वर्षीय देवी गाहा, स्याङ्जाको गल्याङ नगरपालिका(९ की ४५ वर्षीय फुलमाया विकको मृत्यु भएको प्रहरीले जनाएको छ ।

स्थानीय र प्रहरीले उद्धार गरी घाइतेहरूलाई नारायणी सामुदायिक अस्पताल भरतपुर र सामान्य घाइते भएकाहरूलाई रामपुर पठाएका छन् । घाइते हुनेहरूमा रम्भा गाउँपालिका १ बस्ने ४ वर्षीय अंकित सुनार, १० वर्षीय कृष्ण केवट, १८ वर्षीय प्रविन सुनार, २० वर्षीय राम वि.क., २१ वर्षीय रिता वि.क, २५ वर्षीय कासीराम वि.क., १ वर्षीय आईसा वि.क., १६ वर्षीय अविनास वि.क., १७ वर्षीय विशाल वि.क., ७ वर्षीय पुष्पा वि.क., ४७ वर्षीय मेघनाथ वि.क., स्याङ्जा गल्याङ ९ का २५ वर्षीय दिल माया राना, सोही स्थानका ३ वर्षीय रविन राना, भैरहवा भीम अस्पतालमा कार्यरत ३२ वर्षीय सुमित्रा वि.क, रम्भा १ भाले ढुङ्गाका १५ वर्षीय रिमा वि.क., रम्भा १ की ३२ वर्षीय सनु सुनार, रम्भा १ का ३८ वर्षीय प्रेम बहादुर सुनार छन् ।

यस्तै, २० वर्षीय आशिष सुनार, २० वर्षीय विजय वि.क., ३६ वर्षीय मायाँ वि.क., स्याङ्जा गल्याङ ८ का ३५ वर्षीय मनोज कुमार वि.क., सोही स्थानका ३० वर्षीय उमा कुमारी वि.क., गल्याङ ९ का ३० वर्षीय सरिता माझी, सोही स्थानका ३१ वर्षीय रामु राना, पाल्पा रम्भा १ का १२ वर्षीय अस्मिता सुनार, ४७ वर्षीय ओम बहादुर वि.क., ४५ वर्षीय सेती वि.क. र ४८ वर्षीय शिव कुमारी वि.क. रहेको छन् । चालक रामपुर ३ गण्डकी ढिकका दिल कुमार श्रेष्ठ, सहचालक रामपुर ५ बेझाँडका साजन श्रेष्ठ पनि घाइते भएका छन् ।