हामी सबैकाे संसारन्यूज

काठमाडौं । प्रभु बैंकका ग्राहकले हार्नेस् जिपलाइन प्रा.लिमा विशेष छुट पाउने भएका छन् । बैंक र पर्वतको कुस्मामा रहेको जिपलाइन कम्पनीबिच विभिन्न सेवाहरुमा छुट प्रदान गर्ने सम्बन्धी सम्झौता भएको हो ।

उक्त सम्झौतामा बैंकका तर्फबाट गण्डकी प्रदेश इन्चार्ज राजु राना मगर र हार्नेस् जिपलाइन कम्पनीका तर्फबाट अध्यक्ष विदुर पौड्यालले हस्ताक्षर गरेका छन् । सम्झौता अनुसार प्रभु बैंकमा खाता खोली बैंकिङ्ग कारोबार गरिरहेका ग्राहकहरुले हार्नेस् जिपलाइन कम्पनीद्धारा सञ्चालित (ट्यान्डम, सुपरम्यान एण्ड क्लासिक जिपलाइन) सेवामा १० प्रतिशत छुट प्राप्त गर्ने बैंकले जनाएको छ ।

जिपलाइन कम्पनीमा सुविधा लिन चाहने प्रभु बैंकका ग्राहकले बैंकको डेबिट कार्ड, क्रेडिट कार्ड, मोबाइल बैंकिङ्ग, इन्टरनेट बैंकिङ्ग च्यानलहरु प्रयोग गरी भुक्तानी गर्दा, जिपलाइन कम्पनीका उल्लेखित सेवाहरुमा आकर्षक छुट प्राप्त हुने व्यवस्था मिलाईएको बैंकले जनाएको छ । बैंकले यस सम्झौताबाट आफ्ना ग्राहकहरु लाभान्वित हुने विश्वास लिएको छ ।