Sansar News
बुटवल । रुपन्देहीको देवदहमा एक दम्पती मृत अवस्थामा फेला परेका छन् ।
देवदह नगरपालिका ५ पाल्पाली टोलमा सोमबार बिहान ३६ वर्षीय बोलिन्द्र जोल्मी मगर र उनकी श्रीमती ३२ वर्षीया हेमकला जोल्मी मगर आफ्नै घरमा मृत अवस्थामा फेला परेका हुन् ।
देवदह प्रहरी चौकीका प्रमुख गंगा बहादुर सारुका अनुसार घरभित्र चुकलु लगाएको अवस्थामा ती दम्पती मृत फेला परेका हुन् ।
श्रीमान पंखामा झुण्डिएको र श्रीमती तन्नामा बेरिएको अवस्थामा भुँइमा मृत फेला परेको सारुले जानकारी दिएका छन् ।
‘कोठाको भित्रबाट चुकुल लगाएको छ, घटनाको प्रकृति हेर्दा हत्यापछि आत्महत्या गरेको जस्तो देखिन्छ, तर घटनाका बारेमा अनुसन्धान पछि मात्र यहि हो भन्ने थाहा हुन्छ ।’ सारुले भने ।
मृतक बोलेन्द्र चारदिन अघि मात्रै बैदेशिक रोजगारीबाट घर फर्किएको बताइएको छ ।
वि.सं.२०७९ कात्तिक २१ सोमवार ११:१२ मा प्रकाशित
