हामी सबैकाे संसारन्यूज

काठमाडौं । निलम्बित प्रधानन्यायाधीश चोलेन्द्रशमशेर जबराले सरकारी निवास छाडेका छन् । महाअभियोग लागेपछि निलम्बनमा परेका प्रधानन्यायाधीश जबराले मंगलबार अनिवार्य अवकाश पाएपछि बालुवाटारस्थित सरकारी निवास छोडेका हुन् ।

उनी संसद् सचिवालयले महाअभियोग निष्प्रभावित भएको पत्र पठाएपछि अदालतमा हाजिर हुन खोजेका थिए । तर त्यसको चौतर्फी विरोधपछि रोकिएका थिए । निलम्बनमा परे पनि बालुवाटारस्थित सरकारी निवास भने उनले छाडेका थिएनन् ।

यसअघि संसद्‌को कार्यकाल सकिएको भन्दै सर्वोच्च जान खोजेपछि सरकारले उनलाई दिँदै आएको सबै सुरक्षाकर्मी हटाइदिएको थियो । नेपाल प्रहरीका एक अधिकृत मात्रै लिएर बसेका जबराले आज (मंगलबार) उनलाई पनि लैजान अस्वीकार गरे । साँझ करिब पौने ५ बजे सरकारी निवासबाट बाहिरएका जबरा आफनो पुरानो घर सुकेधारा नगई ठमेलतिर लागेका हुन् ।

उनलाई निजी सुरक्षाकर्मीले पछ्याए पनि पर्दैन भन्दै रोकेको प्रहरी स्रोतले जनाएको छ ।