हामी सबैकाे संसारन्यूज

काठमाडौं । राष्ट्रपति विद्यादेवी भण्डारीले नयाँ सरकार गठनका लागि आह्वान गरेकी छन् ।

राष्ट्रपति भण्डारीले सातदिनको समय दिँदै निर्वाचनमा कुनैपनि दलले स्पष्ट बहुमत प्राप्त नगरेको हुनाले दुई वा दुई भन्दा बढी दल मिलेर आगामी पुस १० गते बेलुका ५ बजेभित्र नयाँ सरकारका गठनका लागि आव्हान गरेको राष्ट्रपति कार्यालयद्धारा जारी सूचनामा भनिएको छ ।

राष्ट्रपति कार्यालयद्धारा जारी सूचनामा भनिएको छ, ‘निर्वाचन आयोगबाट प्रतिनिधि सभा सदस्य निर्वाचन, २०७९ को निर्वाचनको परिणाम सहितको प्रतिवेदन, प्रतिनिधि सभा सदस्य निर्वाचन ऐन २०७४ को दफा ६२ बमोजिम २०७९/८/२९ मा पेश हुन आएकोले प्रधानमन्त्री नियुक्त गर्नको लागि नेपालको संविधानको धारा ७६ को उपधारा (१) बमोजिम कुनै पनि दलले स्पष्ट बहुमत प्राप्त गरेको नदेखिएकोले नेपालको संविधानको धारा ७६ को उपधारा (२) बमोजिम प्रतिनिधि सभामा प्रतिनिधित्व गर्ने दुई वा दुईभन्दा बढी दलहरूको समर्थनमा बहुमत प्राप्त गर्न सक्ने प्रतिनिधि सभाको सदस्यलाई नेपालको प्रधानमन्त्री नियुक्त गर्नका लागि मिति २०७९/९/१० गते आइतबार १७ः०० बजे भित्र दावी पेश गर्न सम्माननीय राष्ट्रपतिज्यूबाट आव्हान भएको व्यहोरा अनुरोध छ ।’