वि.सं.२०८३ जेठ १ शुक्रवार

हामी सबैकाे संसारन्यूज

३४ प्रतिशतले बढ्यो वाणिज्य बैंकहरुको नाफा, कुनले कति कमाए ?

Sansar News

वि.सं.२०७९ पुस ५ मंगलवार

720

३४ प्रतिशतले बढ्यो वाणिज्य बैंकहरुको नाफा, कुनले कति कमाए ?

काठमाडौं । तरलता अभावका बीच पनि वाणिज्य बैंकहरुको नाफामा भने बढोत्तरी आएको छ । असोज महिनाको तुलनामा कात्तिकमा वाणिज्य बैंकहरुको नाफा ३४ प्रतिशतले बढेको छ ।

गत असोजमा १८ अर्ब ३१ करोड २० लाख रुपैयाँ नाफा आर्जन गरेका बैंकहरुले कात्तिकमा २४ अर्ब ५३ करोड ८० लाख रुपैयाँ कमाएका छन् । विवरण पेश नगरेको प्रभु बाहेक अधिकांश बैंकको नाफा अर्ब नजिक छ ।

यो अबधिमा सबैभन्दा धेरै नबिल बैंकले नाफा कमाएको छ । नबिलले २ अर्ब ३५ करोड ७९ लाख ८० हजार रुपैयाँ नाफा आर्जन गरेको छ ।

नाफा आर्जन गर्नेमा एनआईसी एशिया दोेस्रोमा छ । उसले २ अर्ब २२ करोड ७८ लाख ५० हजार रुपैयाँ नाफा कमाएको छ । प्रतिस्पर्धामा देखिइरहने ग्लोबल आइएमई बैंकले १ अर्ब ७५ करोड ४९ लाख ६० हजार नाफा आर्जन गरेको छ ।

त्यसैगरि नेपाल इन्भेष्टमेन्ट बैंकले १ अर्ब ५२ करोड ६२ लाख १० हजार नाफा कमाएको छ भने एनएमबि बैंक १ अर्ब ३० करोड ८४ लाख १० हजार र कुमारी बैंकले १ अर्ब २५ करोड ७७ लाख ३० हजार नाफा कमाएका छन् । प्राइम कमर्सियल बैंक १ अर्ब २५ करोड ५१ लाख ५० हजार नाफा कमाएको छ भने एभरेष्ट बैंकले १ अर्ब १५ करोड १४ लाख ४० हजार र स्टयाण्डर्ड चार्टर्ड बैंक १ अर्ब ८ करोड ३९ लाख ८० हजार रुपैयाँले नाफा कमाएको छ ।

२६ बैंकमध्ये नौ बैंकले अर्बमाथि नाफा कमाएका छन् भने अन्यले अर्ब मुनि नाफा कमाएका छन् । नाफामा अगाडि रहने कृषि विकास बैंक अहिले निकै खस्किएको छ ।

कुनले कति कमाए नाफा ?

नबिल बैंक : २ अर्ब ३५ करोड ७९ लाख ८० हजार

एनआईसी एशिया : २ अर्ब २२ करोड ७८ लाख ५० हजार

ग्लोबल आइएमई बैंक : १ अर्ब ७५ करोड ४९ लाख ६० हजार

नेपाल इन्भेष्टमेन्ट बैंक : १ अर्ब ५२ करोड ६२ लाख १० हजार

एनएमबि बैंक : १ अर्ब ३० करोड ८४ लाख १० हजार

कुमारी बैंक : १ अर्ब २५ करोड ७७ लाख ३० हजार

प्राइम कमर्सियल बैंक : १ अर्ब २५ करोड ५१ लाख ५० हजार

एभरेष्ट बैंक : १ अर्ब १५ करोड १४ लाख ४० हजार

स्टयाण्डर्ड चार्टर्ड बैंक : १ अर्ब ८ करोड ३९ लाख ८० हजार

नेपाल बैंक : ९५ करोड ९४ लाख २० हजार