Sansar News
काठमाडौं । नेपालका लागि अमेरिकी राजदूत डिन आर थम्पसनले राप्रपाका अध्यक्ष राजेन्द्र लिङ्देनसँग भेटवार्ता गरेका छन् । बुधबार दिउँसाे धुम्बाराहीस्थित राप्रपा पार्टी कार्यालयमा पुगेर राजदूत थम्पसनले अध्यक्ष लिङ्देनलाई भेटेका हुन् ।
राप्रपाका प्रवक्ता तथा प्रचार विभाग प्रमुख मोहन श्रेष्ठले जानकारी दिएअनुसार भेटमा निर्वाचनमा सम्मानजनक उपलब्धि हासिल गरेकोमा थम्पसनले बधाइ दिएका थिए ।
साथै, राजदूत थम्पसनले लिङ्देनलाई प्रतिनिधिसभा सदस्यमा निर्वाचित भएकोमा बधाई तथा शुभकामना पनि दिएका छन् ।
सो भेटका क्रममा पार्टी अध्यक्ष लिङ्देन र राजदूत थम्पसनबीच समसामयिक विषय र दुईपक्षीय सम्बन्धको विषयमा पनि कुराकानी भएको प्रवक्ता श्रेष्ठले बताए ।
वि.सं.२०७९ पुस ६ बुधवार १७:०७ मा प्रकाशित
