Sansar News
कठमाडौं । राष्ट्रिय स्वतन्त्र पार्टीका अध्यक्ष रवि लामिछाने एमालेका अध्यक्ष केपी शर्मा ओलीलाई भेट्न बालकोटमा पुगेका छन् ।
राष्ट्रपति विद्यादेवी भण्डारीले नयाँ सरकार गठनका लागि दिएको समयसीमा सकिन केही समय बाँकी रहँदा दलहरु कसको नेतृत्वमा सरकार बनाउने भन्ने विषयमा दौडधुप गरिरहेका छन् । यसैबीच नवानिर्वाचित सांसद समेत रहेका लामिछानेले बालकोट पुगेर एमाले अध्यक्ष ओलीलाई भेटेका हुन् ।
लामिछाने र सो पार्टीका प्रवक्ता मुकुल ढकालले ओलीलाई भेटेका हुन् । भेटमा के कुराकानी भएको भन्ने खुलेको छैन । यद्यपी नेपाली कांग्रेस वा एमाले जुनै दलको नेतृत्वमा सरकार बनेपनि रास्वपा उनीहरुका बिचमा निर्णायक पार्टी बन्ने बताइएको छ । रास्वपामा प्रत्यक्ष ७ र समानाुपातिक १३ गरी २० सांसद रहेका छन् ।
वि.सं.२०७९ पुस १० आइतवार १४:११ मा प्रकाशित
