हामी सबैकाे संसारन्यूज

काठमाडौं । नेकपा माओवादी केन्द्रका अध्यक्ष प्रचण्डको नेतृत्वमा बन्ने सरकारमा एमाले, माओवादी र रास्वपाका नेता नेता उपप्रधामन्त्री बन्ने भएका छन् ।

नयाँ बानेश्वरस्थित संसद भवनमा भएको सात दलीय गठबन्धनको बैठकले माओवादी केन्द्रका वरिष्ठ उपाध्यक्ष नारायणकाजी श्रेष्ठ, एमालेका उपाध्यक्ष विष्णु पौडेल र राष्ट्रिय स्वतन्त्र पार्टीका सभापति रवि लामिछानेलाई उपप्रधानमन्त्री बनाउने निर्णय गरेको हो ।

यद्यपी यी तीनै उपप्रधानमन्त्रीले कुन मन्त्रालयको जिम्मेवारी दिने भन्ने निर्णय भने भइसकेको छैन । एमालेका उपाध्यक्ष पौडेल अर्थमन्त्री बन्ने सम्भावना रहेको छ भने रास्वपाका सभापति लामिछानेले गृहमन्त्रालयमा दावी गरिहँदा माओवादी केन्द्रका वरिष्ठ उपाध्यक्ष श्रेष्ठका लागि भने परराष्ट्र मन्त्रालयको जिम्मेवारी दिइने छलफल चलिरहेको बताइएको छ ।

अबको केही समयपछि प्रधानमन्त्री प्रचण्डले पद तथा गोपनियताको सपथ ग्रहण गर्ने क्रममा तीन उपप्रधानमन्त्री र थप केही मन्त्रीहरुले सपथ लिने बताइएको छ ।