हामी सबैकाे संसारन्यूज

काठमाडौं । निर्वतमान गृहमन्त्री बालकृष्ण खाँणले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को नेतृत्वमा सरकार बन्ने प्रक्रियालाई आफुले सहजरुपमा लिएको बताएका छन् ।

मन्त्रालयमा सोमबार आयोजित विदाई कार्यक्रममा खाँणले आफुले पनि नवनियुक्त प्रधानमन्त्री प्रचण्डलाई बधाई दिइसकेको भन्दै प्रचण्डको नेतृत्वमा सरकार बन्नुलाई देशले पनि सहजरुपमा लिनुपर्ने बताए ।

‘उहाँलाई हिँजै फोन गरेर बधाई तथा शुभकामना दिएको छु । नयाँ सरकारलाई हामी सबैले सहयोग गर्नुपर्दछ । हाम्रो संबैधानिक व्यवस्था तथा दलीय प्रबन्धले राजनीतिक कार्यकर्ता र नेता दलमा आवद्ध रहनु स्वभाविक हो । तथापी सरकार भनेको सरकारकै निरन्तरता हो । त्यसकारण सरकारलाई सहयोग गर्नु हामी सबैको साझा दायित्व हो ।’