Sansar News
काठमाडौं । सिद्धार्थ बैंकले आफ्नो स्थापनाको २०औं वार्षिकोत्सवको अवसर पारेर नक्साल स्थित नवनिर्मित केन्द्रीय कार्यालय भवनको सोमबार उद्घाटन गरेको छ ।
सोमबार आयोजित एक कार्यक्रमका बीच बैंकका संस्थापक अध्यक्ष चिरञ्जी लाल अग्रवाल र वर्तमान अध्यक्ष मनोज कुमार केडियाले संयुक्त रूपमा भवनको उद्घाटन गरेका हुन् । उक्त कार्यक्रममा सञ्चालक समितिका सदस्यहरु, बैंकका पूर्व सञ्चालकहरु, संस्थापक शेयरधनीहरु, बैंकको व्यवस्थापन एवं कर्मचारी तथा ग्राहकहरुको उल्लेख्य उपस्थिति रहेको थियो । यसै गरी बैंकले उक्त उद्घाटन समारोहमा बैंकमा १५ वर्ष वा सोभन्दा बढी निरन्तर कार्यरत रहि योगदान प्रदान गरेका सेवारत कर्मचारीहरुलाई पनि सम्मान गरेको छ ।
बैंकले आफ्नो केन्द्रीय कार्यालय आँफैले निर्माण गरेको भवनमा स्थानान्तरण गरी बैंकका ग्राहकहरुलाई अझै स्तरीय सेवा प्रदान गर्ने हेतुले केन्द्रीय कार्यालयको निर्माण गरेको जनाएको छ ।
केन्द्रीय कार्यालयको अतिरिक्त बैंकले पोखरा, विराटनगर र वीरगञ्ज स्थित आफ्नै कार्यालय भवनबाट समेत बैकिङ सेवा सुचारु गरिसकेको छ ।
अत्याधुनिक प्रविधिमैत्री बंैैकिङ मार्फत आम ग्राहकहरुसमक्ष उच्चस्तरीय सेवा प्रदान गर्ने उद्देश्य प्राप्तीमा नवनिर्मित भवनले सहजता प्रदान गर्ने बैंकले जनाएको छ ।
वि.सं.२०७९ पुस १२ मंगलवार ०८:३६ मा प्रकाशित
