हामी सबैकाे संसारन्यूज

काठमाडौं । केहीदिन यता देशभरी चिसो बढी रहेको छ । जल तथा मौसम विज्ञान विभागका अनुसार पश्चिमी वायुको प्रभावले आज देशका विभिन्न भू–भागमा हल्का हिमपात समेत हुने सम्भावना रहेको छ ।

विभागका अनुसार आज पश्चिमी वायुको प्रभावले प्रदेश नं १ को पहाडी भू–भागमा आंशिकदेखि सामान्य बदली रही बाँकी भू–भागमा मौसम सामान्यतया सफा भई प्रदेश नं १ कै हिमाली भू–भागका केही स्थानमा हल्का हिमपातको सम्भावना छ । रातको समयमा पनि सोही मौसमी प्रणाली कायम हुने बताइएको छ ।

महाशाखाद्धारा जारी विवरणअनुसार आज काठमाडौँ उपत्यकाको न्यूनतम तापक्रम ३.१ डिग्री र अधिकमत तापक्रम १८.५ डिग्री सेल्सियस छ । त्यस्तै आज जुम्लाको न्यूनतम तापक्रम माइनस ६.५ डिग्री र अधिकतम तापक्रम १५.९ मापन गरिएको छ ।