हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ बालुवाटारस्थित सरकारी निवासमा सरेका छन् । ललितपुरको खुमलटारस्थित निजी निवासबाट उनी आज साँझ सरकारी निवास सरेका हुन् ।

अध्यक्ष दाहाल आइतबार प्रधानमन्त्रीमा नियुक्त भएका थिए । उनले सोमबार पद तथा गोपनीयताको शपथ लिएका थिए । निवर्तमान प्रधानमन्त्री शेरबहादुर देउवा आजै बालुवाटार छाडेर धुम्बाराहीस्थित भाडाको घरमा सरेका छन् ।
उक्त निवासको चाबि प्रचण्डकी छोरी तथा स्वकीय सचिव गंगा दाहालले बुझेकी छन् । शहरी विकास मन्त्रालयका सचिव सुरेश आचार्यले उक्त चाबि गंगालाई हस्तान्तरण गरेका हुन् ।

प्रधानमन्त्री प्रचण्डले उक्त निवासमा सर्नका लागि ज्योतिषीसँग हेराएर साँझ पाँच बजेको साइत निकालेका थिए । कम्युनिष्ट पार्टीका प्रधानमन्त्री प्रचण्डले निवासमा सर्न साइत हेराएको भन्दै सामाजिक संजालमा उनको आलोचना समेत भएको थियो ।

तस्बिर : रासस