हामी सबैकाे संसारन्यूज

काठमाडौं । सत्ता गठबन्धनको बैठकले गठबन्धनको संयोजकमा एमाले अध्यक्ष केपी शर्मा ओलीलाई चयन गरेको छ । प्रधानमन्त्री निवास बालुवाटारमा बिहीबार बिहान बसेको गठबन्धनको बैठकले यस्तो निर्णय गरेको हो ।

गृहमन्त्री रवि लामिछानेले बताएअनुसार बैठकले सरकारको न्यूनतम कार्यक्रम पाँच दिनभित्र तयार गर्ने निर्णय पनि गरेको छ । उनका अनुसार ओली नेतृत्वको समितिले न्यूनतम कार्यक्रमको मस्यौदा तयार गर्नेछ ।

निर्णयबारे उनले भनेका छन्, “सरकारको न्यूनतम कार्यक्रम तयार गर्ने निर्णय भएको छ, त्यसका लागि एमाले अध्यक्षको संयोजकत्वमा सबै दलबाट एक/एक जना प्रतिनिधि रहनेगरी समिति बन्नेछ र त्यसले साझा कार्यक्रमको मस्यौदा तय गर्नेछ ।”

बैठकमा प्रधानमन्त्री पुष्पकमल दाहाल प्रचण्ड, एमाले अध्यक्ष ओली, रास्वपा अध्यक्ष लामिछाने र राप्रपा अध्यक्ष राजेन्द्र लिङ्देन सहभागी थिए।