Sansar News
काठमाडौं । नेकपा (माओवादी केन्द्र) गण्डकी प्रदेशको संसदीय दलको नेतामा हरिबहादुर चुमान सर्वसम्मत भएका छन् ।
माओवादी केन्द्र प्रदेश कमिटीको बैठकले चुमानलाई संसदीय दलको नेतामा निर्वाचित गरेको हो ।
२०७४ मा पनि संसदीय दलको नेता रहेका चुमान पृथ्वी सुव्वा गुरुङ नेतृत्वको प्रदेश सरकारमा आन्तरिक तथा कानुनमन्त्री रहेका थिए ।
मंसीर ४ को निर्वाचनमा तनहुँबाट निर्वाचित भएका चुमानलाई माओवादी केन्द्रबाट मुख्यमन्त्रीको दावेदारका रुपमा हेरिएको छ ।
त्यस्तै सत्ता गठबन्धनकै मुख्य दल नेकपा एमालेको गण्डकी प्रदेश संसदीय दलको नेतामा खगराज अधिकारी सर्वसम्मत चयन भएका छन् । गण्डकी प्रदेशमा गठबन्धनबाट अधिकारी र चुमान मध्ये एकजना मुख्यमन्त्री हुने पक्का भएको छ ।
वि.सं.२०७९ पुस १७ आइतवार १२:५९ मा प्रकाशित
