Sansar News
काठमाडौं । नेपाल टी–२० लिगमा ‘म्याच फिक्सिङ/स्पोट फिक्सिङका बारेमा भ्रम फैलाईएको भन्दै नेपाल क्रिेकेट एशोसियसनले आफ्नो ध्यानाकर्षण भएको जनाएको छ ।
केही दिनदेखि टी- २० लिगमा म्याच फिक्सिङका विषयमा विभिन्न संचारमाध्यममा समाचार आइरहेकोप्रति ध्यानाकर्षण भएको जनाएको छ । क्यानले यस्ता गतिबिधि अन्त्य गर्ने प्रतिबद्धता जनाउँदै यप्रकारको म्याच फिक्सिङको बारेमा जानकारी भएमा प्रमाणसहित संघको केन्द्रीय कार्यालय वा हाल चलिरहेको टी २० लिग को एन्टी करप्सन (ए.सी.यु) मा उजुरी दिन समेत अनुरोध गरेको छ ।
क्यानले संघ र राष्ट्रको नाममा मिथ्या तथा भ्रामक सूचनाहरु नफैलाउन समेत अनुरोध गरेको छ ।
मंगलबार उपप्रधान तथा गृहमन्त्री रवि लामिछानेले पनि यस विषयमा अनुसन्धानका लागि नेपाल प्रहरीलाई निर्देशन समेत दिइसकेका छन् ।
९ पुस देखि जारी टी–२० लिगमा बेटिङ, सम्भावित फिक्सिङ र विदेशी खेलाडीलाई श्रम स्वीकृति तथा अनुमति विना खेलाईको भन्दै समाचार सार्वजनिक भएपछि उपप्रधानमन्त्री लामिछानेले अनुसन्धानका लागि निदेशन दिएका हुन् ।
त्यसैगरी अख्तियार दुरुपयोग अनुसन्धान आयोगले पनि राष्ट्रिय खेलकुद परिषद्लाई पत्र लेख्दै यसबारेमा ७ दिनभित्रमा कागजात सहित प्रतिक्रिया उपलब्ध गराउन अनुरोध गरेको छ ।
वि.सं.२०७९ पुस २० बुधवार १४:०९ मा प्रकाशित
