Logo
१५ माघ २०७९, आईतवार
     Sun Jan 29 2023
E-paper
  English Edition
   Unicode
Logo

यति विमान दुर्घटना : आन्तरिकतर्फ अहिलेसम्मकै ठूलो क्षति



काठमाडौं । यति एयरलाइन्सको ९ एन–एएनसी विमान आइतबार बिहान दुर्घटनामा पर्‍यो । काठमाडौंबाट पोखराका लागि उडेको विमान पोखरा विमानस्थल नजिकै सेति खोंचमा खसेको थियो । दुर्घटनामा परेको विमानमा चालक दलका सदस्यसहित ७२ यात्रु थिए ।

दुर्घटनामा परी मृत्यु भएकामध्ये समाचार तयार पार्दासम्म ६८ जनाको शव फेला परिसकेको छ । भेटिएका शवलाई पोखरा स्वास्थ्य विज्ञान प्रतिष्ठान पु¥याइएको छ । बाँकीको खोजी जारी रहेको नागरिक उड्डयन प्राधिकरणको खोज तथा उद्धार समन्वय केन्द्रले जानकारी दिएको छ । जनाइएअनुसार विमानमा सवार सबैको मृत्यु भएको सम्भावना छ ।

नागरिक उड्डयन प्राधिकरणका अनुसार आइतबार भएको दुर्घटना नेपाली हवाई इतिहासको ५८ औं दुर्घटना हो । साथै, यो आन्तरिक उडानतर्फको सबैभन्दा ठूलो मानवीय क्षति भएको दुर्घटना हो ।

स्मरणरहोस्, गत जेठ १५ मा पनि यति समूहकै तारा एयरको जहाज दुर्घटना भएको थियो । पोखराबाट जोमसोमबा लागि उडेको विमान मुस्ताङको थासाङ गाउँपालिकामा दुर्घटना परेको थियो । उक्त दुर्घटनामा चालक दलका सदस्यसहित २२ जनाको ज्यान गएको थियो ।

नेपालको आन्तरिक उडानतर्फ पहिलो दुर्घटना वि.सं. २०१८ सालमा भैरहवामा भएको थियो । ९–एन एएडी नामको उक्त जहाज दुर्घटना हुँदा चार जनाको ज्यान गएको थियो ।

२०१६ फेब्रुअरि २४ मा तारा एयरको जहाज म्याग्दीको दानामा दुर्घटना भएको थियो । तत्कालिन समय २३ जनाको ज्यान गएको थियो ।
२०१४ फेब्रुअरीमा नेपाल वायुसेवा निगमको विमान अर्घाखाँचीमा दुर्घटना भएको थियो । उक्त दुर्घटनामा १८ जनाको ज्यान गएको थियो ।

त्यस्तै, त्यस्तै २०१२ सेप्टेम्बर र मेमा दुई ठूला विमान दुर्घटना भएका थिए । लुक्ला र जोमसोममा भएको बेग्लाबेग्लै दुर्घटनामा १९/१९ जनाको ज्यान गएको थियो ।

नेपालमा भएका केही ठूला हवाई दुर्घटना

एप्रिल २०१९ – सोलुखुम्बु जिल्लाको लुक्ला विमानस्थलमा समिट एअरको एउटा विमान धावनमार्गको छेउमा रहेका दुईवटा हेलिकप्टरमा गएर ठोकिँदा कम्तीमा तीन जनाको मृत्यु

फेब्रुअरी २०१९ – एअर डाइनेस्टीको हेलिकप्टर ताप्लेजुङमा पाथीभरानजिकै दुर्घटनामा पर्दा तत्कालीन संस्कृति, पर्यटन तथा नागरिक उड्डयनमन्त्री रवीन्द्र अधिकारीसहित सात जनाको मृत्यु

सेप्टेम्बर २०१८ – गोर्खाबाट काठमाण्डू आउँदै गरेको एल्टिट्यूड एअरको हेलिकप्टर धादिङ र नुवाकोटबीच रहेको एउटा जङ्गलमा दुर्घटनाग्रस्त, एक जापानी पर्यटक र अन्य पाँच जनाको मृत्यु

मार्च २०१८ – बाङ्ग्लादेशबाट नेपाल आएको यूएस–बाङ्ग्ला एअरलाइन्सको विमान त्रिभुवन अन्तर्राष्ट्रिय विमानस्थलमा दुर्घटनाग्रस्त, ५१ जनाको मृत्यु

फेब्रुअरी २०१६ – पोखराबाट जोमसोम उडेको तारा एअरको विमान दुर्घटनाग्रस्त, २३ जनाको मृत्यु

मे २०१५ – भूकम्पपछिको राहत तथा उद्धारकार्यमा खटिएको अमेरिकी सेनाको हेलिकप्टर चरीकोटनजिकै दुर्घटनाग्रस्त; छ अमेरिकी सैनिक, दुई नेपाली सेनाका अधिकारी र पाँच सर्वसाधारणको मृत्यु

जुन २०१५ – सिन्धुपाल्चोकमा भूकम्पको राहत तथा उद्धारमा गएको डक्टर्स विदाउट बोर्डसले चार्टर गरेको हेलिकप्टर दुर्घटना हुँदा चार जनाको मृत्यु

मार्च २०१५ – त्रिभुवन अन्तर्राष्ट्रिय विमानस्थलमा हुस्सुका कारण टर्किश एअरको विमान धावन मार्गबाट चिप्लिँदा चार दिन विमानस्थल बन्द

फेब्रुअरी २०१४ – पोखराबाट जुम्ला उडेको नेपाल वायुसेवा निगमको विमान अर्घाखाँचीमा दुर्घटनाग्रस्त हुँदा १८ जनाको मृत्यु

सेप्टेम्बर २०१२ – काठमाण्डूबाट लुक्ला उडेको सीता एअरको विमान त्रिभुवन अन्तर्राष्ट्रिय विमानस्थलनजिकै दुर्घटनाग्रस्त, विमानमा रहेका सबै १९ जनाको मृत्यु

मे २०१२ – भारतीय तीर्थयात्री बोकेर पोखराबाट जोमसोम उडेको अग्नि एअरको विमान जोमसोम विमानस्थलनजिकै दुर्घटनाग्रस्त, १९ जनाको मृत्यु

सेप्टेम्बर २०११ – हिमालको दृश्यावलोकनक अर्थात् माउन्टेन फ्लाइटका लागि उडेको बुद्ध एअरको एउटा विमान काठमाण्डूनजिकै कोतडाँडामा दुर्घटनाग्रस्त; नेपाली, भारतीय, र अन्य देशका नागरिकसहित १४ जनाको मृत्यु

डिसेम्बर २०१० – लामीडाँडाबाट काठमाण्डू उडेको विमान ओखलढुङ्गामा दुर्घटनामा पर्दा १९ यात्री र चालकदलका तीन सदस्यको मृत्यु

अगस्ट २०१० – काठमाण्डूबाट लुक्लातर्फ उडेको विमान दुर्घटनामा पर्दा १४ जनाको मृत्यु

अक्टोबर २००८ – लुक्ला विमानस्थलमा अवतरण गर्ने बेला दुर्घटनामा १८ जनाको मृत्यु, एक जना घाइते

सेप्टेम्बर २००६ – सङ्खुवासभाको घुन्सामा श्री एअरको हेलिकप्टर दुर्घटनामा पर्दा २४ जनाको मृत्यु, मृत्यु हुनेमा वन तथा भूसंरक्षण राज्यमन्त्री गोपाल राई, संरक्षणविद् डा. हर्क गुरुङ, डा. सीबी गुरुङ, तीर्थमान मास्के


यो खबर पढेर तपाईलाई कस्तो महसुस भयो ?

काठमाडौं । सार्वजनिक खरिद अनुगमन कार्यालयले बतास समुहको बी मेनेजमेन्ट सहित १२ कम्पनीलाई कालो

काठमाडौं । राष्ट्रपति चयनको विषयले सत्ता गठबन्धनभित्र किचलो सुरु भएको छ । गठबन्धनको मुख्य

काठमाडौँ । नेपाली सेनाले सङ्गठन स्थापनाको २६० औँ वार्षिकोत्सव विशेष कार्यक्रमका साथ मनाउन लागेको