हामी सबैकाे संसारन्यूज

काठमाडौं । प्रतिनिधि सभाको सभामुख पदका लागि आज निर्वाचन हुँदैछ ।

सभामुख पद चयनका लागि आज बिहान ११ बजे प्रतिनिधि सभाको बैठक बोलाइएको छ ।

सभामुख पदका लागि सत्तारुढ गठबन्धन दलका साझा उम्मेदवार नेकपा एमालेका देवराज घिमीरे र विपक्षी दल नेपाली कांग्रेस, एकिकृत समाजवादी लगायतका दलको समर्थनमा नेपाली कांग्रेसकी नेतृ ईश्वरी न्यौपानेले बुधबार उम्मेदवारी मनोनयन दर्ता गराएका छन् ।

सभामुखका उम्मेदवार घिमीरे झापा २ बाट प्रतिनिधि सभा सदस्य हुन् दाङकी न्यौपाने कांग्रेसबाट समानुपातिक सांसद हुन् ।

सभामुख पदमा विजयी हुनका लागि सिंगो सदनमा उपस्थित २७५ सांसदमध्ये १३८ मत ल्याउन जरुरी रहेको छ । नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनमत लगायतका साझा उम्मेदवार रहेका घिमीरेलाई १३८ भन्दा बढी नै मत प्राप्त हुने देखिन्छ ।

यता कांग्रेसकी न्यौपानेलाई भने सभामुख पदमा विजयी हुनका लागि त्यति सहज देखिदैन । उनीसँग आफ्नो पार्टीको ८८ मत र एकिकृत समाजवादी पार्टीको १० मत गरी ९८ मत मात्र रहेको छ । यद्यपी कांग्रेसले बुधबार जनता समाजवादी पार्टी लगायतका विपक्षमा बसेका दलसँग सभामुख पदका लागि समर्थन गर्न छलफल गरेको थियो । यता कांग्रेसकी न्यौपानेको पक्षमा भने पार्टीकै ८८ मत छ भने एकीकृत समाजवादीको १० मत रहेको छ ।