Sansar News
काठमाडौं । आज देशका सुदूरपश्चिम प्रदेश र कर्णाली प्रदेश लगायत पहाडी भू–भागमा आंशिक देखी सामान्य बदली रही बाँकी भू–भागमा आंशिक बदली देखि मौसम सामान्यतया सफा रहनेछ ।
मौसम प्रर्वानुमान महाशाखाका अनुसार आज सुदूर पश्चिम प्रदेश र कर्णाली प्रदेशको एक वा दुई स्थानमा हल्का वर्षाको सम्भावना रहेको छ । साथै सुदूरपश्चिम, कर्णाली प्रदेशका र गण्डकी प्रदेशको उच्च पहाडी तथा हिमाली भू–भागहरुका थोरै स्थानहरूमा साथै बाँकी प्रदेशका उच्च पहाडी तथा हिमाली भू–भागहरुका एक वा दुई स्थानमा हल्का हिमपातको सम्भावना रहेको छ ।
त्यस्तै राति पनि सुदूरपश्चिम प्रदेश र कर्णाली प्रदेशको एक वा दुई स्थानमा हल्का वर्षाको सम्भावना रहेको छ भने सुदूरपश्चिम र कर्णाली प्रदेशका उच्च पहाडी तथा हिमाली भू–भागहरुका केही स्थानहरू र बाँकी प्रदेशका उच्च पहाडी तथा हिमाली भू–भागहरुका थोरै स्थानहरुमा हल्का हिमपातको सम्भावना रहेको महाशाखाले जनाएको छ ।
आज काठमाडौँ उपत्यकाको न्यूनतम तापक्रम ४.२ डिग्री र अधिकमत तापक्रम १५.७ डिग्री सेल्सियस मापन गरिएको छ । आज सबैभन्दा कम जिरीको न्यूनतम तापक्रम माइनस ४.३ डिग्री मापन गरिएको छ । आज सबैभन्दा बढी जनकपुरको अधिकतम तापक्रम २१.६ डिग्री मापन गरिएको छ ।
वि.सं.२०७९ माघ ५ बिहीवार ०८:४२ मा प्रकाशित
