हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ ।
बुधबार बिहान प्रधानमन्त्रीको सरकारी निवास बालुवाटारमा भएको उक्त भेटमा समसामयिक राजनीतिक विषय, राष्ट्रपति, उपराष्ट्रपतिको निर्वाचनलगायत विषयमा  छलफल भएको बताइएको छ

रास्वपालाई पुनः गृहमन्त्रालय दिने कि नदिने भन्ने विषयमा दलहरुबीच विवाद बढीरहेको र प्रधानमन्त्री प्रचण्डले रवि लामिछानेको नागरिकता विषयको मुद्दामा सर्वोच्चको फैसलाको पूर्णपाठ नआउँदा सम्म उक्त मन्त्रालय आफैसँग रहने बताउँदै आएका छन् । यद्यपी एमालेले गृहमन्त्रालय पुनः रास्वपालाई नै दिन प्रधानमन्त्रीलाई दवाव दिँदै आएको छ ।

यता रास्वपाका सभापति रवि लामिछानेले गृहमन्त्रालय आफ्नो पार्टीलाई नदिएमा सरकारबाट बाहिरीने समेत चेतावनी दिँदै आएका छन् । उनले मंगलबार भएको प्रधानमन्त्रीसँगको भेटमा पनि तत्काल गृहमन्त्रालय आफ्नो पार्टीलाई दिन दवाव दिएका थिए ।