Sansar News
काठमाडौं । सुदूरपश्चिम प्रदेश सभाको बैठक तीनघण्टा सरेको छ ।
आज दिउँसो १ बजेका लागि डाकिएको उक्त बैठक ४ बजेका लागि सारिएको प्रदेशससभा सचिवालयले सूचना जारी गरेको छ ।
प्रदेशका मुख्यमन्त्री राजेन्द्र सिंह रावलले आजको बैठकबाट विश्वासको मत लिने कार्यसूची रहेको छ ।
प्रदेशको बुधबारको बैठकबाट विश्वासको मत लिने भनिए पनि बुधबार ११ र २ बजे गरी दुईपटक सम्म डाकिएको बैठक नागरिक उन्मुक्ति पार्टीको अडानका कारण अन्तिम समयमा रोकिएको थियो ।
आज पनि नागरिक उन्मुक्ति पार्टीले आफ्नो अडान कायमै राखेपछि बैठक सारिएको हो । सो पार्टीले आफ्ना नेता रेशम चौधरी लगायतका बन्दीहरुको रिहा नगरि मुख्यमन्त्रीलाई विश्वासको मत नदिने अडान लिएको छ ।
रावलले विश्वासको मत लिने म्याद आज सकिदैछ । यदि नागरिक उन्मुक्ति पार्टीले मत नदिएमा मुख्यमन्त्री रावल आजै पदमुक्त हुने र सरकार गठनको अर्को प्रक्रिया सुरु हुनेछ ।
प्रमुख प्रतिपक्षी दल नेपाली कांग्रेसका सांसदले भने बैठक सारिएकोमा आपत्ति जनाएका छन् ।
सुदूरपश्मिका मुख्यमन्त्रीलाई पद जोगाउनै सकस, नागरिक उन्मुक्तिको अडान कायमै
वि.सं.२०७९ माघ २६ बिहीवार १३:५२ मा प्रकाशित
