हामी सबैकाे संसारन्यूज

काठमाडौं । नेकपा एमालेले ‘मिसन ग्रासरुट’ अभियान सुरु गरेको छ ।

सो पार्टीको २६ माघमा बसेको केन्द्रीय सचिवालयको बैठकले देशैभर संगठन विस्तारका लागि ‘मिसन ग्रासरुट’ अभियान चलाएर केन्द्रीय सदस्यहरुलाई विभिन्न जिल्ला र पालिकाको जिम्मेवारी दिएको हो ।

उक्त अभियान अन्तर्गत विभिन्न पालिकामा खटिने केन्द्रीय सदस्यहरुले प्रशिक्षण, सदस्यता नविकरण, जनप्रतिनिधि र पार्टीको सम्बन्ध सुधार तथा पार्टीका सम्बन्धमा राय सुझाव लिने लगायतका काम गर्नुपर्ने बताइएको छ ।

उक्त अभियानका संयोजक अध्यक्ष केपी शर्मा ओली आफै रहेका छन् भने अभिमुखी करणका लागि उपाध्यक्ष अष्टलक्ष्मी शाक्य, अनुगमनको जिम्मेवारी संयोजन सचिव टोप बहादुर रायमाझी, र स्थायी कमिटी सदस्यहरु शेरधन राई, अग्निीप्रसाद खरेल, राजेन्द्र प्रसाद गौतम र हिक्मत कुमार कार्की रहेका छन् ।