Sansar News
बलिवुड नायक साहरुख खानको हालै प्रदर्शनमा आएको पठान फिल्म हेर्नका लागि उनका एक फ्यानले सिंगो हल नै बुक गरेका छन् ।
शाहरुखका ती फ्यान हुन् अब्दु रोजिक । पेशाले गायक समेत रहेका तजाकिस्ताजका रोजिकले एक्लै सिंगो हल बुक गरेर पठान हेरेका हुन् । उनले आफ्ना साथीहरु तथा पत्रकारहरुलाई समेत उक्त फिल्म देखाएका थिए ।
केवल ३ फुटका हाइट रहेका १९ वर्षीय रोजिकले फिल्म मात्रै हेरेनन् हलको स्टेजमै पुगेर उक्त, फिल्मको गीतमा डान्स समेत गरेका थिए ।
साहरुख खानसँग भेट्ने आफ्नो सपना रहेको बताउँदै उनले भनेका छन्–‘शाहरुख स, हामीहरु तपाईको पदर्खाइमा छौं हामीले तपाईलाई देख्नकै लागि सिंगो फिल्म हल नै बुक गरेका छौं ।’
वि.सं.२०७९ फागुन ९ मंगलवार १४:३६ मा प्रकाशित
