हामी सबैकाे संसारन्यूज

काठमाडौं । निर्वाचन आयोगले उपराष्ट्रपतिको निर्वाचन अगाडि दलहरुको बैठक बोलाउन रोक लगाएको छ ।

आयोगले बिहीबार विज्ञप्ति जारी गर्दै निर्वाचनको मौन अवधि रहेकोले दलहरुलाई कुनैपनि प्रकारका बैठक, छलफल, अन्र्तक्रिया र सभा समारोह नगर्न निर्देशन दिएको हो ।

‘उक्त अवधिभर निर्वाचन प्रसार–प्रचार लगायत सोसँग सम्बन्धीत कुनैपनि प्रकारका प्रचार–प्रसार गर्न, मत माग्न, सभा सम्मेलन, कार्यशाला, गोष्ठि, आदि गर्न उम्मेदवारकमो पक्ष वा विपक्षमा कुनैपनि प्रकारको प्रचारप्रसार गर्न मत माग्न, एसएमएस, फेसबुक, भाइवरजस्ता विद्युतीय माध्यमद्वारा प्रयोग गरिने सामाजिक संजालबाट मत माग्न आचारसंहिता विपरित वक्तव्य दिन, प्रेस विज्ञप्ति निकाल्न, प्रकाशन तथा प्रशारण गर्न, राजनीतिक दलको बैठकबाट उम्मेदवारलाई मत दिने वा नदिने निर्णय गर्न, संचारमाध्यमबाट जित हारको पूर्वानुमानका सामग्रीहरु प्रसारजस्ता कार्य गर्न नहुने भएको हुँदा यस्ता आचरणहरु पालना गर्न/गराउनु सम्बन्धीत उम्मेदवार, उम्मेदवारका प्रतिनिधि, राजनीतिक दललगायत सम्पूर्ण सरोकारवालालाई आयोग पुनः आग्रह गर्दछ । लगायतका कार्य नर्गन समेत आयोगले अनुरोध गरेको छ । आयोगद्वारा जारी विज्ञप्तिमा भनिएको छ ।

भोली हुने उपराष्ट्रपतिको निर्वाचनका लागि दश दलीय सत्ता साझेदार गठबन्धनबाट  साझा उम्मेदवारका रुपमा जनता समाजवादी पार्टीका नेता रामसहाय यादव, एमालेबाट नेतृ अष्टलक्ष्मी शाक्य र जनमत पार्टीकी ममता झाले उम्मेदवारी मनोनयन दर्ता गराएका छन् ।