Sansar News
काठमाडौं । तातोपानी नाका एक साताका लागि बन्द भएको छ । उत्तरतर्फको दोस्रो ठूलो भन्सार नाकाको रूपमा चिनिने नाका पूर्णरूपमा सञ्चालनको लागि भन्दै बन्द गरिएकाे हाे ।
नेपालस्थित चिनियाँ दूतावासले तातोपानी नाका पूर्णरूपमा खुलाउने तयारीका लागि चैत २८ देखि वैशाख २ गतेसम्म बन्द गरिएको जनाएकाे छ ।
दूतावासले दिएको जानकारीमा भनिएको छ, ‘दुईतर्फी कार्गो ओसारपसार पुनः सुचारु गर्ने पूर्ण तयारी गर्न र सिजाङ स्वायत्त क्षेत्र जनसरकार र नेपाल स्थानीय सरकारको सहमतिमा झाङ्मुरतातोपानी बन्दरगाह अप्रिल ११ देखि १७ गतेसम्म अस्थायी रूपमा बन्द रहनेछ ।’
चैत १५ मा उक्त नाका वैशाख १८ बाट पूर्णंरुपमा खुलाउने सहमति भएको थियो । जनवादी गणतन्त्र चीनको तिब्बत स्वायत्त क्षेत्र ल्हासामा सम्पन्न भएको बैठकमा उत्तरी नाका रसुवागढी र तातोपानी पूर्ण रूपमा सञ्चालनमा ल्याउने सहमति भएको थियो ।
वि.सं.२०७९ चैत २८ मंगलवार १२:२३ मा प्रकाशित
