हामी सबैकाे संसारन्यूज

काठमाडौं । नेपाली कांग्रेसका नेता डा. शेखर कोइरालाले सरकार महानगर दुवै सच्चिनुपर्ने बताएका छन् ।

डा.कोइरालाले काठमाडौं महानगरपालिकाले सिंहदरबार लगायतको फोहोर उठाउदीन भन्नु अराजकता भएको भन्दै सरकारले पनि महानगरले उठाएका मुद्दामा धम्कीको भाषा प्रयोग गर्न नहुने बताएका छन् ।

डा. कोइरालाले जिम्मेवार निकायको यो व्यवहारको सबैले विरोध गर्नैपर्ने बताउँदै भनेका छन् –‘अर्कोतर्फ सरकारले पनि महानगरले उठाएका प्रश्नको वेवास्ता गर्दै धम्कीको भाषा प्रयोग गर्नु सिंहदरवारले स्थानीय निकायलाई हेर्ने दृष्टिकोणको प्रतिविम्ब हो । दुबै सच्चिनु पर्छ ।’

स्मरण रहोस् काठमाडौं महानगरका मेयर बालेन शाहले शनिबारदेखि सिंहदरबारको फोहोर नउठ्ने घोषणा गरेका थिए । सरकारले उनको उक्त अभिव्यक्तिलाई नीतिगत व्यवस्था विपरित रहेको भन्दै यसलाई गम्भीरतापूर्वक लिन र फोहोर उठाउन पहल गर्न आग्रह गरेको थियो ।

कामपाले सिंहदरवार लगायत स्थानको फोहोर नउठाउनु अराजकता हो,जिम्मेवार निकायको यो व्यवहारको सबैले विरोध गर्नैैपर्छ।अर्कोतर्फ सरकारले पनि महानगरले उठाएका प्रश्नको वेवास्ता गर्दै धम्कीको भाषा प्रयोग गर्नु सिंहदरवारले स्थानीय निकायलाई हेर्ने दृष्टिकोणको प्रतिविम्ब हो।दुबै सच्चिनु पर्छ।

— Dr Shekhar Koirala (@Shekharnc) April 13, 2023