हामी सबैकाे संसारन्यूज

काठमाडौं । राष्ट्रिय स्वतन्त्र पार्टीले बिन्दवासीनी कंशाकारलाई समानुपातिक सांसदमा सिफारिस गरेको छ ।

यसअघिका सांसद डा. ढाका कुमार श्रेष्ठले मेडिकल व्यवसायी दुर्गा प्रसाइसँग २ करोड मागेको अडियो काण्डमा कारबाहीमा परेपछि उनको ठाउँमा रास्वपाले कंशाकारलाई सांसदमा सिफारिस गर्ने भएको हो ।

रास्वपाको स्थापनाकालदेखि मकवानपुर जिल्ला सदस्य रहेर काम गरेकी कंशाकारलाई पार्टी सभापति रवी लामिछानेले केही समयअघि केन्द्रीय सदस्यमा मनोनित गरेका थिए । कंशाकार ९ वर्षअघि एसिड आक्रमणबाट पीडित समेत भएकी थिइन् ।

बुधबार बसेको सो पार्टीको केन्द्रीय समितिको बैठकले अडियो प्रकरणले पार्टीको छविमाथि उठेका प्रश्न, उक्त प्रकरणका समबन्धमा पार्टीको केन्द्रीय अनुशासन तथा आचरण समितिले गरेको छानविन पश्चात केन्द्रीय समितिलाई बुझाएको सिफारिस सहितको प्रतिवेदन तथा पार्टी विधानको धारा ५६ (४) बमोजिम डा. श्रेष्ठको पार्टीको सदस्यता खारेजी गरेको जनाएको छ ।

रास्वपाका सांसद ढाका कुमारमाथि साधारण सदस्य समेत नरहने गरी कारबाही