Sansar News
काठमाडौं। सिटिजन्स बैंकले बालविकास समाजका विद्यार्थीलाई आर्थिक सहयोग गरेको छ । एक दशक देखि अबोध, अनाथ बालबालिकालाई लालनपालन, स्वास्थ्य उपचार, शिाक्ष, मनोरन्जन प्रदान गर्दै आएको संस्थालाई बैंकले एक लाख ५० हजारको चेक एक समारोहमा संस्थाका इन्चार्ज गोविन्द विश्वकर्मालाई हस्तान्तरण गरेका छन् ।
बैंकले आफ्नो सोह्रौं वाार्षिकोत्सव वैशाख ७ गते रहेको छ । सोही उपलक्ष्यमा संस्थालाई आर्थिक सहयोग गरेको हो ।
बालविकास समाजमा रहेका १०० जना बालबालिका मध्ये १५ जना बालबालिकाको शिक्षा तथा स्वास्थ्य उपचारमा उक्त रकम खर्च गर्ने कुरा संस्थाका कार्यक्रम इन्चार्ज गोविन्द विश्वकर्माले जानकारी दिए ।
बैंकले आफ्नो बार्षिक उत्सवको अवसरमा सामाजिक रूपान्तरणका लागि कार्य गर्ने संस्थालाई आर्थिक सहयोग उपलब्ध गराउँदै आएको छ । यसैको निरन्तरता स्वरूप बैंकले उक्त सहयोग रकम हस्तान्तरण गरेको हो ।
आगामी दिनमा पनि बैंकले संस्था गत सामाजिक उतरदायित्व कार्यक्रम अन्तर्गत सामाजिक, आर्थिक, सांस्कृतिक, शैक्षिक आदि जस्ता क्षेत्रमा सकारात्मक परिवर्तन ल्याउनका निम्ति विभिन्न कार्यक्रम संचालन गर्ने योजना रहेको कम्पनीले जानकारी गराएको छ ।
वि.सं.२०८० वैशाख ५ मंगलवार ०८:१४ मा प्रकाशित
